BLANCO PALAMERA

Este dúo compostelán é unha das revelacións do ano. As súas “Promesas” (Autoproducido, 2019) acreditan que, ademais da frescura dos 21 anos, teñen tamén madurez e desenvoltura abondo para inventar novas marxes sonoras. O pop tende pontes ata levarnos a subxéneros invisibles e contraccións imposibles: pop&b, trip-pop ou chill pop. Con BLANCO PALAMERA está a nacer algo que non coñeceramos ate o de agora. Hai canteira.